ناوەندەکانی کەشناسی، پێشبینی هاتنی شەپۆلێکی بارانبارینی توند و دروستبوونی لافاو لە هەرێمی کوردستان دەکەن.
وەزارەتی گواستنەوە و گەیاندنی حکوومەتی هەرێمی کوردستان لەوبارەیەوە ڕایگەیاندووە، بەهۆی پێشبینیی هاتنی شەپۆلێکی بارانبارینی توند، بەتایبەتی لە ڕۆژی چوارشەم، پێشبینیی زیادبوونێکی خێرای ئاو دەکەین”.
وەزارەتەکە لەو ڕوانگەیەوە، داوا لە هاووڵاتییان دەکات “خۆیان لە نزیک سەرچاوەکانی ئاو دووربخەنەوە و کاری پێویست بۆ پاراستنی بەرهەم و کێڵگەکانیان بکەن”.
هەر ئەمڕۆ شەممە، ٢٧ی نیسان، بەشی پێشبینی کەشوهەوا سەربە وەزارەتی گواستنەوە و گەیاندن، ڕایگەیاند، پێشبینی چالاکبوونی با و هەروەها بۆ بەیانی یەکشەم ئاسمان لە نێوان ساماڵ و پەڵەهەور دەبێت و لە هەندێک ناوچەشدا بۆ نیمچەهەور دەگۆڕێت، بەڵام پێشبینی بارانبارینی لە ئەمڕۆ و بەیانی نەکردووە.
