بەڕێوەبەرایەتییەکە لە ئاگادارییەکدا کە ئەمڕۆ یەکشەم، ٢٨ی نیسانی ٢٠٢٤ بڵاویکردەوە، ڕایگەیاند، بەپێی ڕێنمایی وەزارەتی ئەوقاف و کاروباری ئایینی ژمارە ١ی ساڵی ٢٠٢٣ ئەنجامدانی ئەم کارانە دەچێتە خانەی فێڵکردن و سزای یاسایی لەسەرە:
یەکەم: بەکارھێنانی دەستەواژەکانی شێخ، مەلا، قەشە، بانگخواز، پزیشکی ئایینی و ھاوشێوەکانی.
دووەم: دروستکردنی نوشتە، جادوو و دەرکردنی جنۆکە.
سێیەم: فرۆشتنی گیادەرمان، خۆراک و خواردنەوە، گوڵاو، ھەنگوین، ڕەشکە و شتی تر بەناوی چارەسەری پزیشکی ئایینییەوە.
بەڕێوەبەرایەتییەکە داوا لە هاووڵاتییان دەکات، “بۆ گەیاندنی زانیاری وەک ئەرکێکی ئایینی و نیشتمانی” پەیوەندی بکەن بە ژمارە تەلەفۆنی هۆبەی یاسایی ئەوقافی هەولێر (٠٧٥٠٢٥٤٧٥٨٥) و بەڵگەکانیان بۆ بنێرن بەمەبەستی بەدواداچوون و لێکۆڵینەوە و ئەوان ناوی هەواڵدەر و سەرچاوەی زانیارییەکە دەپارێزن.
