پێش نیوەڕۆی ئەمڕۆ یەکشەم، ٥ی ئایاری ٢٠٢٤، هاووڵاتییەک لەناو بازاڕی شاری هەولێر کوژرا و ئاسایشی شارەکەیش دەڵێ، بکوژەکە خۆی ڕادەست کردووە.
بەڕێوەبەرایەتی ئاسایشی هەولێر، لە ڕوونکردنەوەیەکدا لەبارەی ڕووداوەکە ڕایگەیاند، “لە ڕووداوێکی تەقەکردن لەناو بازاڕی شاری هەولێر هاووڵاتی (ئیدریس ئەسعەدۆک ساڵح) لەسەر کێشەیەکی کۆمەڵایەتی کوژراوە”.
هەر لە ڕوونکردنەوەکەی ئاسایشی هەولێردا هاتووە: “تۆمەتبارە بکوژەکە بەناوی (ع. س. ا)، دوای ئەنجامدانی تاوانەکە خۆی ڕادەستی هێزەکانی پۆلیس کرد”.
