زێدپرێس
ئەمڕۆ پێنجشەم ٣ی ئابی ٢٠٢٣، ئومێد سەباح سەرۆکی دیوانی ئەنجوومەنی وەزیرانی هەرێمی کوردستان، لە کۆنگرەیەکی ڕۆژنامەوانیدا، کردنەوە و خستنەکاری سیستەمی ئەلیکترۆنی بۆ تۆمارکردنی سکاڵای هاووڵاتیان ڕاگەیاند.
ئومێد سەباح ئاماژەی دا، ئەو پڕۆژەیە بیرۆکەی مەسرور بارزانی سەرۆکوەزیرانی هەرێم بووە و لەسەر راسپاردەی ئەویش پڕۆژەکە ئەنجامدراوە، “ئەوەش هەنگاوێکی دیکەی بە ئەلیکتڕۆنیکردنی حکوومەتە بۆ نەهێشتنی ڕۆتین و زیاتر نزیک بوونەوەی هاووڵاتی و دامەزراوەکان لە یەکتر”.
سەرۆکی دیوانی ئەنجوومەنی وەزیران، ڕوونی کردەوە، لەمەودوا هاووڵاتیان لە سەرتاسەری هەرێمی کوردستان دەتوانن سکاڵاکانیان بە شێوەیەکی ڕاستەوخۆ بگەیەننە لایەنی پەیوەندیدار و باسی لەوە کرد، سیستەمەکە لەلایەن فەرمانگەی تەکنەلۆجیا و زانیاری و فەرمانگەی یاسایی سەر بە ئەنجوومەنی وەزیرانەوە دامەزرێنراوە.
