زێدپرێس
ئەنجوومەنی وەزیرانی هەرێمی کوردستان، بۆ دوو بابەتی دیاریکراو کۆدەبێتەوە، کە یەکێکیان خستنەڕووی ئەنجامی سەردانەکەی شاندی حکوومەتی هەرێمی کوردستانە بۆ بەغدا، تایبەت بە گەڵاڵەکردنی پڕۆژە یاسای نەوت و گازی فیدراڵی.
فەرمانگەی میدیا و زانیاری سەر بە حکوومەتی هەرێم، ئەمڕۆ چوارشەم ٩ی ئابی ٢٠٢٣، ڕای گەیاند، ئەنجوومەنی وەزیرانی هەرێمی کوردستان، بە سەرپەرشتیی مەسرور بارزانی سەرۆکی ئەنجوومەنی وەزیران و ئامادەبوونی قوباد تاڵەبانی جێگری سەرۆکی ئەنجوومەنی وەزیران، کۆ دەبێتەوە.
بەپێی ڕاگەیەنراوەکە، لە تەوەرەی یەکەمی کۆبوونەوەکەدا، ئەنجامی سەردانەکەی شاندی حکوومەتی هەرێمی کوردستان بۆ بەغدا، تایبەت بە گەڵاڵەکردنی پڕۆژە یاسای نەوت و گازی فیدراڵی دەخرێتەڕوو.
لە تەوەری دووەمی کۆبوونەوەکەشدا ڕەشنووسی پەیڕەوی (سندوقی چاودێری و شیاندنی کەسانی کەمئەندام و خاوەن پێداویستی تایبەت و کورتەباڵاکان) لەبەر ڕۆشنایی یاسای ژمارە (٢٢)ی ساڵی ٢٠١١، دەخرێتەڕوو.
