ههواڵ
دەنگۆی شەهید و بریندار لە خۆپیشاندانەکەی کەرکووک هەیە
![](https://zedpress.krd/wp-content/uploads/2023/09/Zed-Press-news-242-copy-780x470.jpg)
زێدپرێس
ئێوارەی ئەمڕۆ شەممە، ٢ی ئەیلوولی ٢٠٢٣، کوردانی دانیشتووی شاری کەرکووک و بەتایبەت گەڕەکی رەحیماوا، خۆپیشاندانی ناڕەزایەتییان ڕێکخست.
خۆپیشاندانەکە دژ بە داخستنی ڕێگەی کەرکووک-هەولێرە، کە بۆ ڕۆژی پێنجەم دەچێت ڕێگاکە لەلایەن کۆمەڵێک خەڵکی عەرەبەوە داخراوە، دژ بە کردنەوە و وەرگرتنەوەی بارەگاکانی پارتی دیموکرات لە شارەکەدا.
لەلایەن هێزەکانی سوپا و هێزە ئەمنییەکانی کەرکووکەوە، بۆ کۆنتڕۆڵکردنی خۆپیشاندانەکە، تەقە لە خۆپیشاندەران کرا و گرژی و ئاڵۆزییەکی زۆر دروستبووە, لەکاتێکدا بە تەقەی هێزەکانی سوپای عێراق، چەند خۆپیشاندەرێک بریندار کراون.
چەند سەرچاوەیەک هەواڵی هەبوونی شەهید لە خۆپیشاندانەکەدا ڕادەگەیەنن.
زێدپرێس لە هەوڵدایە بۆ پشتڕاستکردنەوەی زانیارییەکان.