زێدپرێس
لێژنەکانی چاودێری قایمقامیەتی سلێمانی، هەردوو بلیاردی پاشا و سنۆکەر و بلیاردی گەنجانی کارێزەوشک دادەخەن، بەهۆی ڕێگەدان بە چوونەژوورەوەی کەسانی خوار تەمەن ١٨ ساڵەوە.
قایمقامیەتی سلێمانی ڕایگەیاند، لەلایەن لێژنە هاوبەشەکانەوە، بەهۆی کردنەوەی خول و هەبوونی کەسانی خوار تەمەنی یاسایی (١٨ ساڵ)، لێژنە هاوبەشەکان بلیارد و سنۆکەری گەنجانی کارێزەوشکی داخست، ئاگاداری کردەوە لە دووبارەنەبوونەوەی ئەو سەرپێچییانە.
وەک قایمقامیەتی سلێمانی ڕوونی دەکاتەوە، بەپێی ڕێنماییەکانی کارکردن، ڕێگە نادرێت کەسانی خوار تەمەن ١٨ ساڵ سەردانی سەنتەرەکانی یاری بلیارد بکەن. لەهەمان کاتدا ڕێگەنادرێت بەبێ مۆڵەت خولی یاریکردن بکرێتەوە.
هەر لەماوەی دوو ڕۆژی ڕابردوودا، بەهۆی پابەندنەبوون بە ڕێنماییەکانی کارکردن و ڕێگەدان بە کەسانی تەمەن خوار ١٨ ساڵ، لێژنەی ناوەندە وەرزشییەکانی قایمقامیەتی سلێمانی بلیاردی پاشای لە گەڕەکی ڕاپەڕین داخست.
بە بڕیاری قایمقامی سلێمانی ڕێکارە یاساییەکان لەگەڵ خاوەنی هەردوو شوێنەکە لەبەردەگیرێت.
