زێدپرێس
پۆڵ بریستۆ لە تشرینی یەکەمی ٢٠٢٣، نامەیەکی نووسی و داوای لە ڕیشی سوناک، سەرۆکوەزیرانی بەریتانیا کرد، پشتگیری لە “ئاگربەستی هەمیشەیی” بکات لە شەڕی ئیسرائیل و حەماس و ڕایگەیاند، کە “فەڵەستینییەکان نابێت تووشی سزادانی بەکۆمەڵ بکرێنەوە لەسەر تاوانەکانی حەماس”.
بریستۆ یاریدەدەری وەزیرە لە حکوومەتی بەریتانیا.
گوتەبێژی حکوومەتی بەریتانیا ڕایگەیاندووە، لێدوانەکانی پۆڵ بریستۆ “لەگەڵ پڕەنسیپەکانی بەرپرسیارێتی بەکۆمەڵ ناگونجێن” و لەبەرئەوە بەدوورخستنەوە لە پۆستەکەی سزادراوە.
ناوبراو، لە نامەکەیدا داوای لە سەرۆکوەزیرانی بەریتانیا کردبوو، هەڵوێستی خۆی لەبارەی شەڕی ئیسڕائیل و حەماس بگۆڕێت و پشتگیری لە کۆتاییهێنان بە شەڕ و پێکدادانەکان بکات.
بریستۆ لە نامەکەیدا ڕایگەیاندووە، ئاگربەستێکی تەواو ژیانی خەڵک ڕزگار دەکات و ڕێگە دەدات هاوکارییە مرۆییەکان “بگاتە ئەو کەسانەی کە زۆرترین پێویستییان پێیەتی”.
