لە شەڕی نێوان دوو بنەماڵەدا، پیاوێکی تەمەن ٤٠ ساڵ بە چەقۆ کوژرا و چەند تۆمەتبارێک لەلایەن پۆلیسەوە دەستگیرکران.
هێمن سولەیمان گوتەبێژی پۆلیسی پارێزگای دهۆک ڕایگەیاند، ئێوارەی ئەمڕۆ یەکشەم، ٢٨ی کانوونی دووەمی ٢٠٢٤، شەڕێک لە نێوان چەند گەنجێک لە کۆمەڵگەی میسێریکێ- سەر بە قەزای سێمێل- ڕوویدا و بەهۆیەوە پیاوێکی تەمەن ٤٠ ساڵ بە چەقۆ کوژرا.
گوتەبێژی پۆلیسی پارێزگای دهۆک ئاشکرای کرد، پۆلیسی قەزای سێمێل گەیشتوونەتە شوێنی ڕووداوەکە و تۆمەتباران دەستگیر کران و لێکۆڵینەوە لەگەڵیان دەستی پێکردووە.
بەگوێرەی زانیارییەکانی زێدپرێس، شەڕەکە لە نێوان ئەندامانی دوو بنەماڵەدا ڕوویداوە.
