وەزارەتی پەروەردە لەڕێگەی ڕاگەیەندراوێکەوە، ئاگاداری قوتابییان و خوێندکارانی پۆلی ١٢ی ئامادەیی کردەوە، کە پێویستە ڕۆژێک پێش ئەنجامدانی تاقیکردنەوە بەراییەکان، سەردانی هۆڵەکانی تاقیکردنەوەیان بکەن، بۆ ئەوەی زانین و دڵنیابوونەوە لە شوێن و ناوەکانیان.
بەگوێرەی بڕیاری وەزارەتی پەروەردە، لە کاتژمێر ١:٠٠ی دوانیوەڕۆی ڕۆژی ٣ی ئایاری ٢٠٢٤ تاقیکردنەوە بەراییەکانی ساڵی خوێندنی ٢٠٢٣-٢٠٢٤ لە سەرتاسەری هەرێمی کوردستان ئەنجام دەدرێت.
وەزارەتەکە هەروەها، داوا لە قوتابییان دەکات کە لەکاتی بوونی هەڵە لە زانیاری زمانی خوێندن و ئایینی قوتابی، پێویستە “بەزووترین کات سەردانی پەروەردەی خۆتان بکەن بۆ ڕاستکردنەوەی زانیارییەکان”.
ڕۆژی سێشەم، ٢٠ی شوباتی ٢٠٢٤، وەزارەتی پەروەردە بڕیاریدا بە بەخشینی پێنج نمرەی بڕیار بۆ سەرجەم قوتابییان و خوێندکارانی پۆلی ١٢ی ئامادەیی بە هەموو بەشەکانەوە.
هەروەها قوتابییان دەتوانن لەڕێگەی ئەم لینکەی خوارەوە، بەگوێرەی پارێزگاکان شوێن و هۆڵی تاقیکردنەوە بەراییەکان بزانن.
شوێن و هۆڵی تاقیکردنەوەی بەرایی
