ههواڵ
سێ کەس لە زێی گەورەدا خنکان
![](https://zedpress.krd/wp-content/uploads/2023/08/Zed-Press-news-209-copy-780x470.jpg)
زێدپرێس
ئەمڕۆ سێشەم ٢٢ی ئابی ٢٠٢٣، سێ کەس لە زێی گەورەدا خنکان، کە کوڕ و باوک و برازان و یەکێکیان منداڵێکی تەمەن حەوت ساڵانە.
بەرگری شارستانی هەولێر، ئاشکرای کرد، سێ کەس بەناوەکانی بەختیار کەریم (٢٨ ساڵ)، بنیامین بەختیار (٦ ساڵ) و کەژاڵ هەژار کەریم (١٧ ساڵ) لە سنووری خەبات-کەڵەک لە ئاوی زێی گەورەدا خنکاون.
بەگوێرەی بەرگری شارستانی هەولێر، ڕووداوەکە بەم شێوەیە بووە، کە سەرەتا بنیامینی تەمەن حەوت ساڵان، کەوتۆتە ناو ئاو و ئەوانی دیکە هەوڵیان داوە ڕزگاری بکەن، بەڵام هەرسێکیان خنکاون.
تەرمی هەر سێیان لە ئاوەکە دەرهێنراون و بۆ نەخۆشخانەی خەبات گواستراونەتەوە.