زێدپرێس
سەرۆکی حکوومەتی هەرێمی کوردستان لەسەر ماف و کورسی پێکهاتەکان نامەیەک بۆ سەرۆکی ئەنجوومەنی باڵای دادوەری و نوێنەری تایبەتیی سکرتێری گشتیی نەتەوە یەکگرتووەکان دەنێرێت.
بەگوێرەی ڕاگەیەندراوی حکوومەتی هەرێمی کوردستان، مەسرور بارزانی سەرۆکی حکوومەتی هەرێم، نامەیەکی بۆ هەر یەک لە فایەق زێدان، سەرۆکی ئەنجوومەنی باڵای دادوەری، جینین هێنیس-پلاسخارت، نوێنەری تایبەتیی سکرتێری گشتیی نەتەوە یەکگرتووەکان لە عێراق و عومەر ئەحمەد محەمەد، سەرۆکی ئەنجوومەنی کۆمسیارانی كۆمسیۆنی باڵای سەربەخۆی هەڵبژاردنەکان لە عێراق ناردووە.
لە نامەکەدا، نیگەرانی و ناڕەزایی لە بەرانبەر هەوڵەکانی گۆڕین و دەستکاریکردنی کورسی و مافی پێکهاتەکانی کوردستان دەربڕیوە و داوای کردووە کە ڕێگری لەم هەوڵانە بکرێت و مافەکانی پێکهاتەکان دەستکاری نەکرێن و پارێزراو بن.
