لە ئەنجامی ئاگرکەوتنەوەکەی بازاڕی قەیسەری هەولێر، زیاتر لە ٣٧٠ دوکان سووتان.
شەوی ڕابردوو، ٥/٦ی ئایاری ٢٠٢٤، ئاگرێک لە بازاڕی قەیسەری هەولێر کەوتەوە. هەرچەند تیمەکانی ئاگرکوژێنەوە و بەرگری شارستانی بەزوویی دەستیان بە کۆنتڕۆڵکردنی ڕووداوەکە کرد، بەڵام ئاگرەکە بەخێرایی تەشەنەی سەند و بەگوێرەی لێدوانی نەبەز عەبدولواحید قایمقامی قەزای ناوەندی هەولێر، تا کۆنتڕۆڵکردنی ئاگرەکە، نزیکەی یان زیاتر لە ٣٧٠ دوکانی بازاڕەکە سووتان و چەند کەسێکیش بریندار بوون.
