کۆمسیۆنی باڵای سەربەخۆی هەڵبژاردنەکانی عێراق دەست بە تۆمارکردنی ناوی کاندیدانی لیست و هاوپەیمانێتی و پێکهاتەکان دەکات بۆ هەڵبژاردنی پەرلەمانی کوردستان.
بەگوێرەی ڕاگەیەندراوی کۆمسیۆن، سبەی پێنجشەم، ٤ی تەمووزی ٢٠٢٤، دەرگای پێشکەشکردنی ناوی کاندیدانی لیست و هاوپەیمانێتی و پێکهاتەکان و کاندیدانی تاکەکەسیی بۆ بەشداریکردن لە هەڵبژاردنی پەرلەمانی کوردستان دەکرێتەوە و پڕۆسەی تۆمارکردنەکەیش تا ١٥ی تەمووزی ٢٠٢٤ بەردەوام دەبێت.
ڕۆژی ٢٦ی حوزەیرانی ئەمساڵ، دڵشاد شەهاب گوتەبێژی سەرۆکایەتی هەرێمی کوردستان ڕایگەیاند، کە نێچیرڤان بارزانی سەرۆکی هەرێمی کوردستان ڕۆکژی ٢٠ی تشرینی یەکەمی ٢٠٢٤ی بۆ ئەنجامدانی هەڵبژاردنی پەرلەمانی کوردستان دەستنیشان کردووە.
