بەشێک لە تەرخانکراوی مووچەی مانگی حوزەیران خرایە سەر هەژماری بانکی وەزارەتی دارایی و ئابووری حکوومەتی هەرێمی کوردستان.
وەزارەتی دارایی و ئابووری ڕایگەیاند، کەمێک لەمەوبەر بڕی ٢٣١ ملیار و ٦٠٥ ملیۆن و ٥٣١ هەزار دینار وەک تەرخانکراوی شایستەی مانگی حوزەیرانی کەسوکاری شەهیدان و ئەنفالکراوان و زیندانیانی سیاسی و خاوەن پێداویستییە تایبەتەکان و خانەنشینانی شارستانی و سەربازی خرایە سەر هەژماری بانکی وەزارەتی دارایی و ئابووری لە لقی هەولێری بانکی ناوەندی عێراق.
وەزارەتەکە ڕایگەیاندووە، ڕۆژی یەکشەم ٧ی تەمووزی ٢٠٢٤ دەست بەدابەشکردنی مووچەی سەرجەم ئەو توێژانە دەکرێت کە لە سەرەوە ئاماژە بەناوەکانیان کراوە و شایستەکەیان گەیشتووەتە سەر هەژماری وەزارەتی دارایی.
