زێدپرێس
بەڕێوەبەرایەتی هاتوچۆی هەولێر، جێگیرکردنی سێ خاڵەی دیکەی کامێرای خاڵ بۆ خاڵ لە سەر شەقامی خێرای ١٢٠ مەتری ڕادەگەیەنێت.
ئەمڕۆ چوارشەم ٣٠ی ئابی ٢٠٢٣، بەڕێوەبەرایەتییەکە لە ڕاگەیەنراوێکدا، هاووڵاتییان و شوفێران ئاگەدار دەکاتەوە، کە “بەمەبەستی پاراستنی گیانی هاووڵاتیان و دوورخستنەوەیان لەڕووداو و کارەساتەکان”، لە بەیانی ٣١ی ئابەوە، سێ خاڵی دیکەی کامێرای خاڵ بۆ خاڵ لەسەر شەقامی خێرای ١٢٠ مەتری شارەکە و بەدیاریکراوی لەسەر بەشی نێوان ڕێگای کەرکووک-مووسڵ بەگەڕدەخرێن.
بەپێی بەڕێوەبەرایەتی هاتوچۆی هەولێر، لە بەیانییەوە کارکردنی کامێراکان بۆ تاقیکردنەوە دەبێت، بەڵام لە ٦ی ئەیلوولی ٢٠٢٣ەوە کامێراکان سزای سەرپێچی و تیژڕۆیی تۆمار دەکەن.
بەڕێوەبەرایەتی هاتوچۆی هەولێر، داوا لە هاووڵاتیان و شوفێران دەکات، لە خێرایی دیاریکراودا شوفێری بکەن و سەلامەتی خۆیان و سەرنشینان بپارێزن.
