زێدپرێس
بەڕێوەبەرایەتی پۆلیسی پارێزگای سلێمانی دەستگیرکردنی تۆمەتبارێک ڕادەگەیەنێت، کە فێڵی لە چەند هاووڵاتییەک کردووە و بەناوی هاوسەرگیریشەوە ئافرەتێکی دەستخەڕۆکردووە و پارەی لێسەندووە.
ئەمڕۆ شەممە ١٦ی ئەیلوولی ٢٠٢٣، بەڕێوەبەرایەتی پۆلیسی پارێزگای سلێمانی ڕایگەیاند، دوای ئەوەی چەند هاووڵاتییەك سكاڵایان تۆماركرد، كە بەشێوەی جۆراوجۆر فێڵیان لێكراوە و پارەیان لێسەندراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر توانرا تۆمەتبار لەلایەن بنكەی پۆلیسی ئەزمەڕەوە بدۆزرێتەوە و دەستگیربكرێت.
تۆمەتبارەکە بەناوی (ڕ. أ. م.) لەدایکبووی ساڵی ١٩٩٥ و بە بڕیاری دادوەر و بەپێی ماددەی ٤٥٦ لەیاسای سزادانی عیراقی ڕاگیراوە.
وەک پۆلیس دەڵێ “لەكاتی لێكۆڵینەوەكانیشدا دەركەوتووە، كە بەشێوەی جۆراوجۆر فێڵی لەچەند كەسێك كردووە و بەناوی هاوسەرگیریشەوە ژنێكی هەڵخەڵەتاندووە و پارەی لێوەرگرتووە .”
