زێدپرێس
دوا بەدوای تیرۆرکردنی ئەندامێکی دەستەی بەڕێوەبەری کۆنگرەی نەتەوەیی کوردستان لە شاری هەولێر، کەنەکە ڕاگەیەنراوێکی بڵاوکردەوە.
لە ڕاگەیەنراوەکەی کۆنگرەی نەتەوەیی کوردستان هاتووە، ئەمڕۆ دووشەم ١٨ی ئەیلوولی ٢٠٢٣، کاتژمێر ١:٣٠ خوولەک دەنیز جەودەت بولبل ئەندامی کۆنگرەی نەتەوەیی کوردستان لە شاری هەولێر لەناو ئۆفیسی کەنەکە لەلایەن دەستێکی ڕەش تیرۆرکرا”.
زیاتر دەڵێ: “ئێمە لە کۆنگرەی نەتەوەیی کوردستان وێڕای شەرمەزارکردنی ئەو کردەوە تیرۆریستییە داوا لە حکوومەتی هەرێم و لایەنە پەیوەندیدارەکان دەکەین، هەرچی زووە ئەو دەستە تیرۆریستییە ئاشکرا بکەن و زامنی پاراستنی گیانی ئەندامانمان و ئۆفیسە فەرمییەکەی بکەن”.
پێشتر سەرچاوەیەکی بەرپرس لە کۆنگرەی نەتەوەیی کوردستان بۆ زێدپرێس ڕایگەیاندبوو، لەکاتی ڕووداوەکە، دەنیز هێڤی بە تەنیا لە بارەگای کۆنگرەی نەتەوەیی کوردستان بووە.
