زێدپرێس
بەگوێرەی داتاکانی زێدپرێس، کە لە تۆماری دادگاکانی هەرێمی کوردستان و بەڕێوەبەرایەتییەکانی بەرەنگاربوونەوەی توندوتیژی خێزانی وەرگیراون، لە ماوەی حەوت ساڵی ٢٠١٥-٢٠٢١دا، بەدیاریکراوی ٦٨ هەزار و ١٠٤ سکاڵای یاسایی لەلایەن ئافرەتانەوە تۆمارکراون و زۆرترین سکاڵایی یاسایی لە ساڵی ٢٠٢١دا بووە، کە تیایدا ١٣ هەزار و ٢٧٦ سکاڵا تۆمار کراوە و کەمترین سکاڵایش لە ساڵی ٢٠١٦دا بووە، کە ٦ هەزار و ٥٧٧ سکاڵای یاسایی تێدا تۆمار کراوە.
زۆرترینی سکاڵاکان لە پارێزگای هەولێر بوون (٢٧ هەزار و ٦٨٦) کە دەکاتە ڕێژەی (٤٠.٦٥٪)ی کۆی گشتی سکاڵا تۆمارکراوەکان و لە پلەی دووەمیشدا پارێزگای سلێمانی دێت (٢٣ هەزار و ٩٣٧ سکاڵا)، کە ڕێژەی (٣٥.١٦٪)ی کۆی گشتی سکاڵا تۆمارکراوەکان پێکدێنێت و ڕێژەی (٢٤.١٩٪)ی سکاڵاکانیش لەپارێزگای دهۆک بوون.
بەتێکڕای گشتی، لە هەر ڕۆژێکدا زیاتر لە ٢٧ سکاڵای یاسایی لەلایەن ئافرەتانی هەرێمی کوردستانەوە دژ بەو توندوتیژییانەی لە بەرانبەریان ئەنجام دەدرێن، تۆمارکراون.
