زێدپرێس
بەڕێوەبەرایەتی ئاسایشی هەولێر، ئاشکراکردنی قومارخانەیەکی نهێنی و دەستگیرکردنی ٣ تۆمەتبار ڕادەگەیەنێت.
ئێوارەی ئەمڕۆ پێنجشەم ٢٨ی ئەیلوولی ٢٠٢٣، بەڕێوەبەرایەتی ئاسایشی هەولێر، ڕایگەیاند، لەلایەن هیزەکانی بەڕێوەبەرایەتییەکەیانەوە و دوای وەرگرتنی ڕەزامەندی دادوەری لێکۆڵینەوەی ئاسایشی هەولێر، ٣ تۆمەتباریان دەستگیرکردووە، کە بەشێوەیەکی نهێنی لە شارۆچکەی شەقڵاوە/کاوانیان قومارخانەیەکیان دانابوو.
بەڕێوەبەرایەتی ئاسایش لە ڕاگەیەنراوەکەیدا دەڵێ “دەستمان گرت بەسەر سەرجەم ئەو ئامێری یاری قومار و کەلوپەلانەی کە لەو شوێنەدا هەبوون”.
ڕاگەیەنراوەکەی ئاسایشی هەولێر، لەکاتێکدا دێت، کە هەفتەی ڕابردوویش بە هەمان شێوە و لە ٢٠ی ئەیلوولدا، قوماخانەیەکی دیکە لە ناوەندی شاری هەولێر لەلایەن ئاسایشەوە ئاشکرا کرا و تۆمەتبارێک دەستگیر کرا، کە بەشێوەی ئۆنلاین چەند جۆرێک لە یاری قوماری لەناو ماڵەکەیەوە بەڕێوە دەبرد.
