زێدپرێس
بەڕێگەی دوو فڕۆکەی بێفڕۆکەوانەوە هێرشکرایە سەر هێزەکانی ئەمریکا لە بنکەی سەربازی عەین ئەسەد لە پارێزگای ئەنبار، بەڵام هەردوو فڕۆکە بێفڕۆکەوانە تێکشکێنران.
بەیانی ئەمڕۆ چوارشەم ١٨ی تشرینی یەکەمی ٢٠٢٣، ئاژانسی ڕۆیتەرز لە زاری سەرچاوەکانی ئەمریکاوە ڕایگەیاند، لە ڕێگەی دوو فڕۆکەی بێفڕۆکەوانەوە هێرشکراوەتە سەر هێزەکانی ئەمریکا لە بنکەی سەربازی عەین ئەسەد لە پارێزگای ئەنبار لە ڕۆژئاوای عێراق.
بەگوێرەی سەرچاوەکان، هەر دوو فڕۆکە بێفڕۆکەوانەکە تێکشکێنران، پێش ئەوەی ئامانجەکەیان بپێکن.
ئاژانسی هەواڵی ڕۆیتەرز ئاماژەیداوە، کە بەرپرسە ئەمریکییەکان لایەنی گومانلێکراو و بەرپرسیان لە هێرشەکە ئاشکرا نەکردووە.
