زێدپرێس
لە سنوری شارۆچکەکانی کەلار و خانەقین، دوو سوارۆی ماتۆڕسکیل لە دوو ڕووداوی هاتوچۆدا گیانیان لەدەستدا.
سەرچاوەیەکی تایبەت لە بەڕێوەبەرایەتی هاتوچۆی کەلار بە زێدپرێسی ڕاگەیاند، بەیانی ئەمڕۆ یەکشەم، ١٢ی تشرینی دووەمی ٢٠٢٣، ماتۆڕسکیلێک لە سنوری گوندی گردەگۆزینەی سەربە شارۆچکەی کەلار وەرگەڕاوە و بەهۆیەوە سوارۆیەکەی، کە لەدایکبووی ساڵی ١٩٩٥ە، گیانی لەدەستداوە و تەرمەکەی بۆ پزیشکی دادی گواستراوەتەوە.
هەر ئەمڕۆ یەکشەم، ڕووداوێکی دیکەی هاتوچۆ لەسەر ڕێگای کەلار-خانەقین ڕوویداوە و تیایدا ماتۆڕسکیلێک و ئۆتۆمبێلێکی تایبەت تووشی پێکدادان بوون و لە ئەنجامدا سوارۆی ماتۆڕسکیلەکە گیانی لەدەستدا، کە تەمەنی ٢٣ ساڵە.
