زێدپرێس
هاووڵاتییەک لەلایەن مەفرەزەکانی پۆلیسی دارستانی ئاغجەلەرەوە، بەتۆمەتی ڕاوکردنی باڵندەی کێوی دەستگیر کرا.
ئەمڕۆ یەکشەم، ١٢ی تشرینی دووەمی ٢٠٢٣، بەڕێوەبەرایەتی پۆلیسی ژینگە و دارستانی پارێزگای سلێمانی، ڕایگەیاند، لە سنوری گوندی گۆپتەپە، لە لایەن مەفرەزەیەكی بنکەی پۆلیسی دارستانی ئاغجەلەرەوە، هاووڵاتییەك دەستگیر کراوە، کە بەهۆکاری ڕاوکردنی باڵندەی کێوی و هاوکات دەستگیرا بەسەر چەکێکی جۆری (بادی) و یەك لایت، کە بۆ مەبەستی ڕاوکردنەکە بەکاریهێناون.
پۆلیسی دارستان دەڵێ، “پەڕاوی لێکۆڵینەوە ڕێکخراوە و ڕادەستی دادوەر کراوە بۆ وەرگرتنی ڕێکاری یاسایی”.
لە هەرێمی کوردستاندا، یاسای پاراستن و چاککردنی ژینگە و ڕێنماییەکانی تایبەت بە ڕێکخستنی ڕاوکردن، ڕاوکردن سنوردار دەکەن و بۆ ڕاوکردنی هەر جۆرە باڵندە و ئاژەڵێکی کێویش سزایەکی تایبەت دیاریکراوە کە هەندێکجار خۆی لە پێبژاردنی چەندین ملیۆن دینار دەدات.
