زێدپرێس
بەهۆی تەقینەوەی گوللەهاوەنێک لە سنوری شارۆچکەی دەربەندیخان، سێ کەس برینداربوون.
ئەمڕۆ یەکشەم، ١٢ی تشرینی دووەمی ٢٠٢٣، لە شاخی زەواڵی ناوچەی شەمێران، لەکاتی دەستکاریکردندا، گوللەهاوەنێک بە سێ کەسدا تەقیوەتەوە و هەر سێکیان بریندار بوون.
بریندارەکان بەناوی تەها کەریم حەمەساڵح لەدایکبووی ساڵی ١٩٧٠، ئەکبەر ئیبراهیم لەدایکبووی ساڵی ١٩٨٢ و ئەنوەر باقی لەدایکبووی ساڵی ١٩٨٠ و بەپێی بەرپرسانی تەندروستی دەربەندیخان، ئەوەی سێیەمیان برینەکەی سەختە. لەبەرئەوە بەمەبەستی چارەسەرکردن بۆ نەخۆشخانەی فریاکەوتنی سلێمانی گواستراوەتەوە.
