زێدپرێس
گوتەبێژی هاتوچۆی هەولێر شوفێران ئاگادار دەکاتەوە، لە بەیانی دووشەمەوە تا ٢ی کانوونی دووەمی ٢٠٢٤ سەرجەم مامەڵەکانی هاتوچۆ ڕادەگیرێن.
عەقید هێمن حەمەد، گوتەبێژی پۆلیسی هاتوچۆی هەولێر، ئەمڕۆ یەکشەم، ١٧ی کانوونی یەکەمی ٢٠٢٣، ڕایگەیاند، شوفێران و هاووڵاتییان ئاگادار دەکەنەوە، بەهۆی کۆتایی هاتنی ساڵی ژمێریاری، لە کاتژمێر ١:٠٠ی ڕۆژی پێنجشەم، ٢١ی کانوونی یەکەمی ٢٠٢٣ەوە، تا ٢ی کانوونی دووەمی ٢٠٢٤ ڕاییکردنی مامەڵەی هاووڵاتییان لە بەڕێوەبەرایەتی هاتوچۆی هەولێر بەگشت بەش و هۆبەکانییەوە ڕادەگیرێت.
گوتەبێژی هاتوچۆی هەولێر، داوای لە هاووڵاتییان کرد، لەو ماوەیەدا سەردانی بەڕێوەبەرایەتی هاتوچۆی هەولێر نەکەن.
زیاتر گوتی، هەر مامەڵەیەک لەماوەی ئەو ڕاگرتنەدا بەسەربچێت، وەکوو ساڵیانە، مۆڵەت و ماوەی تۆمارکردنی ئۆتۆمبێل، لە دوای دەستپێکردنەوەی دەوامەوە قەرەبوو دەکرێتەوە و هیچ کەسێک بەو هۆیەوە تووشی پێبژاردن نابێت بەهۆی دواکەوتنەوە.
