زێدپرێس
ئەمڕۆ دووشەم، ٨ی کانوونی دووەمی ٢٠٢٤، بە ئامادەبوونی گشت ئەندامانی ئەنجوومەنی کارگێڕی هەڵبژێردراوی ژووری بازرگانی و پیشەسازی هەولێر و لێژنەی باڵای هەڵبژاردنی ژوورەکانی بازرگانی هەرێمی کوردستان، یەکەمین کۆبوونەوەی ئەنجوومەنی کارگێڕی ژوور لە باڵاخانەی ژوور ئەنجامدرا، لەم کۆبوونەوەیە سەرۆکی ژوور، جێگرانی سەرۆکی ژوور و نوێنەرانی ژووری بازرگانی هەولێر لە یەکێتی ژوورەکان دیاریکرا.
بەگوێرەی ڕاگەیەندراوی ژووری بازرگانی و پیشەسازی هەولێر، ئەنجامەکان بەم شێوەیە بوون:
یەکەم: بۆ سەرۆکی ژووری بازرگانی و پیشەسازی هەولێر تەنیا یەك کاندید هەبوو، گەیلان سەعید عەزیز لە کۆی ١٣ دەنگ، ١١ دەنگی هێنا لەگەڵ ٢ دەنگی بەتاڵ. بەم شێوەیە گەیلان سەعید عەزیز بە سەرۆکی ژووری بازرگانی و پیشەسازی هەولێر هەڵبژێردرا.
دووەم: بۆ جێگرانی سەرۆکی ژوور دوو کاندید هەبوو، کامەران سەڵاح سەعید باجگر لە کۆی ١٣ دەنگ، ١٣ دەنگی هێنا و مەعروف عەزیز خان هەرکی لە کۆی ١٣ دەنگ، ١٣ دەنگی هێنا. بەم شێوەیە هەردووکیان بە جێگرانی سەرۆکی ژوور هەڵبژێردران.
سێیەم: بۆ نوێنەری یەکێتی ژوورەکان چوار کاندید هەبوو، لاوەند جەمال مستەفا مەموندی لە کۆی ١٣ دەنگ، ٨ دەنگی بەدەستهێنا (بە نوێنەری ژوور لە یەکێتی ژوورەکان هەڵبژێردرا)، ئیسماعیل سەعید حاجی سورچی لە کۆی ١٣ دەنگ، ٨ دەنگی بەدەستهێنا (بە نوێنەری ژوور لە یەکێتی ژوورەکان هەڵبژێردرا)،
فەیسەڵ محەممەد ڕەسول گەردی لە کۆی ١٣ دەنگ، ٦ دەنگی بەدەستهێنا و خەلیل عەبۆ میرزا گۆران لە کۆی ١٣ دەنگ، ٤ دەنگی بەدەستهێنا.
ڕۆژی ٣٠ی تشرینی دووەمی ٢٠٢٣، هەڵبژاردنی ئەنجوومەنی کارگێڕی ژووری بازرگانی و پیشەسازی هەولێر بەڕێوەچوو، دوای پەسندکردنی ئەنجامەکانی هەڵبژاردنەکە و کۆتایی هاتنی کارەکانی لێژنەی باڵای تانەکان، ئەم ناوانەی خوارەوە بە ئەندامی ئەنجوومەنی کارگێڕی هەڵبژێردران:
1- گەیلان سەعید عەزیز
2- سالار سەڵاح خۆشناو
3- شیرین یەحیا خەلیل
4- مەعروف عەزیزخان هەرکی
5- کامەران سەڵاح سەعید باجگر
6- خەلیل عەبۆ میرزا گۆران
7- فەیسەڵ محەممەد رەسول گەردی
8- لاوەند جەمال مستەفا مەموندی
9- ئیسماعیل سەعید حاجی سورچی
10- ئیبراهیم محەممەد ئاغا گەردی
11- رەشید مستەفا میرخان
12- کامەران محەممەد ساڵح
13- رزگار عومەر قادر
