کونسوڵخانەی گشتی ئەمریکا لە هەولێر بڵاویکردەوە، پێشوازی لە بڕیاری وەزارەتی ڕۆشنبیری و لاوانی حکوومەتی ھەرێمی کوردستان دەکات بۆ ھەڵوەشاندنەوەی ڕێنمایی ڕێکخستنی کاری میدیایی ژمارە ١ی ساڵی ٢٠٢٣ کە لەمانگی ئایاری ساڵی ٢٠٢٣ دەرچوێندرابوو و زیاتر دەڵێ: “دەبووە مایەی ھێنانە کایەی مەرجی نوێی ڕێوشوێنی ئەمنی بۆ ڕۆژنامەنووسانی ئۆنلاین کە پێمانوایە دەبووە ھۆی بەرتەسککردنەوەی ئازادی ڕاگەیاندن”.
لە ڕاگەیەندراوەکەی کونسوڵخانەی ئەمریکادا هاتووە: “ئەم بڕیارەی ھەڵوەشاندنەوەی ڕێنماییەکە دەرخەری بەدەمەوەھاتنی حکوومەتی ھەرێمە بۆ ئەو نیگەرانیانەی لەلایەن کۆمەڵگای نێودەوڵەتی و ھەوڵە ناوخۆییەکانەوە بەرزکرانەوە بەمەبەستی باشکردنی دۆخی ئازادی ڕاگەیاندن”.
زیاتر دەڵێ: “پابەندین بەکارکردن لەگەڵ ھاوبەشە خۆجێیی و نێودەوڵەتیەکانمان بۆ بەردەوامیدان بە باشکردن و بڕەودان بە ئازادی ڕاگەیاندن و میدیای بەرپرسیار”.
