پزیشکەکەی سەنتەری ددانی ئاراس ساختە دەرچوو

زێدپرێس

ئێوارەی ئەمڕۆ دووشەم ٢ی تشرینی یەکەمی ٢٠٢٣، قامقامیەتی قەزای ڕانیە ڕایگەیاند، لێژنە هاوبەشەکانیان، بە ئەندامێتی سەندیکای پزیشکانی ددان-لقی ڕاپەڕین، لە چوارچێوەی سەردانەکانیاندا، سەنتەری ددانی ئاراسیان بەسەرکردووەتەوە و بۆیان دەرکەوتووە، هاووڵاتییەک کە خۆی وەک پزیشک ناساندبوو، بەبێ هەبوونی هیچ بڕوانامەیەکی پزیشکی لە سەنتەرەکە کار دەکات.

ئاشکرای کرد، “سەنتەری ددانی ئاراس خاوەنی مۆڵەت نەبووە و شوێنکارەکەی زۆر پیس بووە، دەرمانی قاچاغ و نایاسایی هەبووە و لە ئەنجامدا لیژنەکەمان بڕیاری داخستنی سەنتەری ددانی ئاراسی داوە و خاوەنی سەنتەرەکە ڕێکاری یاسایی بەرانبەر دەگیرێتەبەر.”