لەگەڵ ژمارەیەک لە ڕۆژنامەنووسان و پەیامنێرانی کەناڵە جیاجیاکانی ڕاگەیاندن، مامۆستایانی زانکۆ و چالاکی مەدەنی، گفتوگۆمان لە پێوەندی نێوان میدیاکاران و دامەزراوە فەرمییەکان کرد.
کوردۆ شابان، تایبەتمەندییەکانی وەزارەتی شارەوانی خستەڕوو، هەروەها ئەو دەرفەتانەی لە ڕێگەی ڕاگەیاندنی وەزارەتەوە بۆ میدیاکارانیان ڕەخساندووە لە دەستگەیشتن بە زانیاری.
بەشدارانی دیدارەکە، باسیان لە دەرفەت و ئاستەنگەکان، لە پێوەندی نێوان میدیاکاران و دامەزراوە فەرمییەکان کرد. زیاتر لە هەر شتێک جەخت لەسەر پێویستی ڕەخساندنی دەرفەتی چوونیەک لەبەردەم میدیاکاران و کەناڵەکانی ڕاگەیاندن لە بەردەستخستنی زانیاری کرایەوە.
دیدارەکانی زێدپرێس، لە نێوان میدیاکاران و گوتەبێژانی وەزارەت و دامەزراوەکان بەردەوام دەبن، بەئامانجی بونیادنانی پێوەندییەکی ئەرێنی لە نێوان میدیاکاران و دامەزراوە فەرمییەکان لە هەرێمی کوردستاندا.
