کۆمسیۆنی باڵای سەربەخۆی هەڵبژاردنەکانی عێراق ئەو هەواڵانە ڕەت دەکاتەوە کە باس لە ڕاگرتنی کارەکانی کۆمسیۆن و دواخستنی هەڵبژاردنی پەرلەمانی کوردستان دەکەن.
ئەمڕۆ چوارشەم، ١ی ئایاری ٢٠٢٤، کۆمسیۆنی باڵای سەربەخۆی هەڵبژاردنەکانی عێراق/ ئۆفیسی هەولێر، ڕوونکردنەوەیەکی لەبارەی ئەو هەواڵ و زانیارییانە بڵاوکردەوە کە باس لە ڕاگرتنی کارەکانی کۆمسیۆن و دواخستنی هەڵبژاردنی پەرلەمانی کوردستان دەکەن.
لە ڕوونکردنەوەکەدا، سەرەڕای ڕەتکردنەوەی ناوەڕۆکی هەواڵ و دەنگۆکان، کۆمسیۆنی هەڵبژاردنەکان داوا لە سەرجەم دەزگاکانی ڕاگەیاندن دەکات کە “بە باشی بەدواداچوون لەڕاستی و دروستی هەواڵەکان بکەن و دڵنیاببنەوە لەسەرچاوەی هەواڵ کە دەبێت بەفەرمی دەرچووبێت لەلایەن کۆمسیۆنی باڵای سەربەخۆی هەڵبژاردنەکانەوە”.
ڕۆژی ١٠ی حوزەیرانی ٢٠٢٤ بۆ بەڕێوەچوونی هەڵبژاردنی خولی شەشەمی پەرلەمانی کوردستان دیاریکراوە.
