زێدپرێس
لە ماڵێکی شاری سلێمانی دەست بەسەر بڕی ٢٠٠ کیلۆگرام قیمە و گۆشتی بێمۆری قەدەغەیە و لەناو ئۆتۆمبێکی خاوەن ماڵەشدا ٢٥٠ کیلۆگرام گۆشتی قەدەغە و قیمەی ئامادەکراودا گیرا.
ئەمڕۆ پێنجشەم ١٠ی ئابی ٢٠٢٣، ڕێکان جەمال سەرۆکی لیژنە هاوبەشەکانی قائیمقامیەتی سلێمانی ڕای گەیاند، زانیاری هەبوو لەو ماڵەدا بڕێکی زۆر قیمە و جگەر و گۆشتی بێمۆر هەیە، بە فەرمانی دادوەری یەکی لێکۆڵینەوەی سلێمانی پشکنین بۆ ماڵەکە کرا و دەست بەسەر بڕی زیاتر لە (٢٠٠)کگم گۆشتی قەدەغە و قیمەی ئامادەکراودا گیرا، دواتریش لەناو ئۆتۆمبێلی خاوەن ماڵەکەدا دەست بەسەر زیاتر لە (٢٥٠)کگم قیمەدا گیرا کە لە ڕووی تەندروستی و ڤێتێرنەرییەوە بەهیچ جۆرێک ئەو قیمە و گۆشتە ڕێگەپێدراو نییە.
گوتیشی، بە فەرمانی دادوەر خاوەنی گۆشتەکە دەستگیرکراوە و تەواوی گۆشت و قیمەکەش لەناودەبردرێت.
