زێدپرێس
ئەمڕۆ شەممە ٣٠ی ئەیلوولی ٢٠٢٣، فەرماندەیی پۆلیسی پارێزگای کەرکووک، لیستێکی بەناوی ٨٥٠ کەس بڵاوکردەوە، کە بڕیاری دامەزراندنیان بەشێوەی گرێبەست و لەسەر میلاکی پۆلیسی کەرکووک دەرکراوە.
لە ڕاگەیەنراوێکدا، فەرماندەیی پۆلیسی پارێزگای کەرکووک، داوا لە دامەزراوەکان دەکات، ڕۆژی یەکشەم ١ی تشرینی یەکەمی ٢٠٢٣، پەیوەندی بە ناوەندی مەشقی پۆلیسی کەرکووکەوە بکەن و لە کاتژمێر ٦:٠٠ی بەیانی لە بنکەی مەشقەکە ئامادە بن.
فەرماندەیی پۆلیسی کەرکووک، داوای لە تازە دامەزرێنراوان کردووە، کۆپییەکی بەڵگەنامە فەرمییەکان و وێنەی کەسی لەگەڵ خۆیان ببەن، بەمەبەستی واژۆکردنی گرێبەست و دەستبەکاربوونیان و بە پێچەوانەوە مافی دامەزراندنەکەیان لە کیس دەچێت.
هاوکات، پۆلیسی پارێزگای کەرکووک، تازە دامەزراوانی ئاگادار کردووەتەوە، کە لە ڕۆژی ئامادەبوونیان لە بنکەی مەشق، نابێت مۆبایل لەگەڵ خۆیان ببەن و پێویستیش دەکات ڕیش و قژیان تاشراو بێت.
