زێدپرێس
شاندێکی حکوومەتی هەرێمی کوردستان دەچێتە بەغدا و ڕۆژی چوارشەم لەگەڵ لێژنەی داراییی ئەنجوومەنی نوێنەران کۆدەبنەوە.
حکوومەتی هەرێم ڕایگەیاند، سبەی سێشەم، ١٧ی تشرینی یەکەمی ٢٠٢٣، شاندێکی هەرێمی کوردستان دەچێتە بەغدا؛ ڕۆژی چوارشەممەش لەبارەی پرسەکانی مووچە و بودجە لەگەڵ لێژنەی داراییی ئەنجوومەنی نوێنەرانی عێراق کۆدەبنەوە.
شاندەکە لە ئاوات شێخ جەناب، وەزیری دارایی و ئابووری، ئومێد سەباح، سەرۆکی دیوانی ئەنجوومەنی وەزیران، ئامانج ڕەحیم، سکرتێری ئەنجوومەنی وەزیران و عەبدولحەکیم خەسرەو، سەرۆکی فەرمانگەی هەماهەنگی و بەدواداچوون و ژمارەیەک ڕاوێژکار پێک دێن.
