زێدپرێس
لە هێرشێکی فڕۆکەی بێفڕۆکەوان لە سنوری کۆیە، ئۆتۆمبێلێک بە چوار سەرنشینەوە کرایە ئامانج، سێ سەرنشین برینداربوون و دوای گواستنەوەیان بۆ نەخۆشخانە، شوفێرەکە گیانی لەدەستدا.
ئەمڕۆ سێشەم ١٧ی تشرینی یەکەمی ٢٠٢٣، بە فڕۆکەی بێفڕۆکەوان هێرشکرایە سەر ئۆتۆمبێلێک لە (چنارۆک)ی سنوری کۆیە و لە ئەنجامدا سێ سەرنشین برینداربوون و شوفێری ئۆتۆمبێلەکەش گیانی لەدەستدا.
بەگوتەی سەرچاوەیەکی تایبەت لە تەندروستی کۆیە، بریندارەکان بۆ بەشی فریاکەوتنی نەخۆشخانەی کۆیە گواسترانەتەوە و ڕاستەوخۆ دەست بە چارەسەری پێویست کراوە.
گوتیشی، “برینی شوفێری ئۆتۆمبێلەکە سەخت بووە و بەهۆیەوە گیانی لە دەستداوە”.
سەرچاوە میدیاییەکان باس لەوە دەکەن قوربانییەکان خەڵکی ڕۆژئاوای کوردستان و دانیشتووی کەمپی شەهید ڕۆستەم جودی مەخموور بوون، بەڵام هێشتا بۆ زێدپرێس پشڕاست نەکراوەتەوە.
