زێدپرێس
تا ئێوارەی ئەمڕۆ پێنجشەم ژمارەی گیانلەدەستدان بۆ ٣ هەزار و ٧٨٥ کەس و سەرووی ١٢ هەزار بریندار تەنیا لە کەرتی غەززە بەرزبووەتەوە.
وەزارەتی تەندروستی فەڵەستین ڕایگەیاند، تا کاتژمێر ٥:٠٠ی ئێوارەی ئەمڕۆ پێنجشەم ١٩ی تشرینی یەکەمی ٢٠٢٣، لە کەرتی غەززە ٣ هەزار و ٧٨٥ کەس کوژراون و زیاتر لە ١٢ هەزار کەسیش برینداربوون.
دوابەدوای هێرشەکەی چەکدارانی حەماس بۆ سەر ئیسڕائیل لە ٧ی تشرینی یەکەمەوە، کە ڕاستەوخۆ هێرشی سەختی ئاسمانی ئیسڕائیلی بۆ سەر کەرتی غەززە بەدواداهات، ڕۆژبەڕۆژ ژمارەی قوربانییەکان زیاتر بەرز دەبێتەوە.
پێشتر وەزارەتی تەندروستی فەڵەستین ڕایگەیاندووە، نزیکەی نیوەی قوربانییەکان لە کەرتی غەززە، ژنان و منداڵانن.
