زێدپرێس
بەگوتەی ئەو، ژمارەی حاڵەتەکانی کۆمەڵکوژی بنەماڵەکان لە کەرتی غەززە، بۆ ٩٢٦ حاڵەت بەرزبووەتەوە.
ژمارەی ئەو کەسانەی لە کەرتی غەززە گیانیان لەدەستداوە، گەیشتووەتە ٨ هەزار و ٥٢٥ کەس، کە ٣ هەزار و ٥٤٢ منداڵ و ٢ هەزار و ١٨٧ ژن بوون. لە هێرشەکانی ٧ی تشرینی یەکەمیشەوە تا ئێستا، ٢١ هەزار و ٥٤٣ هاووڵاتی بریندار بوون.
بەگوێرەی وەزارەتی تەندروستی، ٢ هەزار ڕاپۆرتی بێسەروشوێنبوونی لەژێر داروپەردووی باڵەخانە ڕووخاوەکاندا بەدەستگەیشتووە، کە هەزار و ١٠٠یان منداڵن.
گوتەبێژەکە، زیاتر ئاماژەیدا، لە هێرشەکانی ئیسڕائیل بۆ سەر کەرتی غەززە، ٥٧ دامەزراوەی تەندروستی بە ئامانجگیراون و ١٣٠ کارمەندی تەندروستی گیانیان لەدەستداوە و ٢٥ ئەمبوڵانسیش لەناوبردراون، هەروەها چەند نەخۆشخانە و بنکەی فریاگوزاری سەرەتایی بەهۆی بۆردمانەکان یان نەبوونی سووتەمەنییەوە لە پێشکەشکردنی خزمەتگوزاری وەستاون.
